منتديات القديس ابو فانا
سـلام ومـحـبـه اخــي الــزائــر
لـلـتـسجـيـل والـمـشاركه تـفـيـد وتستـفـيـد معانـا اضغـط عـلي الـتـسـجـيـل
وان كنت عضو مسجل معانا اضغط علي الدخول .. لـو تريد رؤيه الـمنتدي فـقـط اضغط علي اخفـاء


منتديات القديس العظيم ابو فانا هو اول منتدى يطلق على اسم القديس ابو فانا  
الرئيسيةالمجلةس .و .جبحـثالتسجيلدخول

هدف المنتدى احباء ابو فانا نحن نقدم لكم كل ما هو جديد فى عالم تقنية المنتدى على ان يكون وجهة رأئع يمكن من خلالها نشر مجد الله الى كل مسيحى والعالم ونحن نرحب بكافة اقتراحاتكم من اجل كمال التطوير المستمر فساهموا معنا للنهوض بهذا المنتدى.. اسرة ابو فانا 


شاطر | 
 

 الطريق الكرب و حبيب القلب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
شيرى بنت البابا كيرلس
+قبطية خادمة+
+قبطية خادمة+
avatar

الايه الذهبيه : ارمى على الرب همك وهو يعولك
شفيعك : العدرا والبابا كيرلس ومارمينا
انثى عدد المساهمات : 443
تاريخ التسجيل : 07/06/2009
المزاج المزاج : رايق

مُساهمةموضوع: الطريق الكرب و حبيب القلب   الأربعاء يونيو 10, 2009 7:53 am

الوقت اللى فات ما كانش سهل عندى و عند مؤمنين حوالى ضغوط و ظروف صعبة و صعوبات من كل ناحية و اختيارات لازم نختارها و نقرر نخسر بمفهوم العالم و لا نكسب بمفهوم الله ! و حاجات كتير بتحصل خلتنى افكر و اسأل نفسى هو فى ايه ؟
و انهارده ليلة العيد دخلت اقعد مع المصلوب رب العيد و قلتله كده نفسى يا رب احتفل بيك بجد جوه قلبى و فى حياتى مش بمجرد مظاهر للعيد لكن يارب لسة جوايا سؤال تاعبنى و كل ما ابص للواقع اللى حوالى ابقى عايزة اسأل هو فى ايه ؟
و لقيته بحب و بطيبة قلبه اللى اتعودن عليها بيقولى كده " ما أضيق الباب و اكرب الطريق الذى يؤدى الى الحياة و قليلون هم الذين يجدونه " " متى 7 : 14 "
وقفت قدام الاية دى و لقيت نفسى سرحت فى احداث الصليب و افتكرت ان يسوعى الحبيب الى المنتهى احب و اختار يمشى الطريق الكرب و علشان بيحبنا اختار ينجينا من النيران اختار ابن الله يتصلب من الانسان و بكل قسوة يتجلد و يتهان و رغم صعوبة الطريق ما استسلمش اختار طريق الموت و فى قراره مارجعش لانه احب الكنيسة العروس احبها للمنتهى و علشانها مشى بحب الطريق الكرب .
و مليت الدموع عينيا و قلتله بحبك يا يسوعى و حتى لو الباب ضيق و الطريق كرب و حتى لو اسئلة كتير مالهاش عندى اجابات و حتى لو اوقات بعدى فى المات ... بحبك ياللى اخترت لاجلى انا تموت علشان اعيش حر من الخطية و القيود . بحبك و قدام عينيا هتعلى صورتك يا مصلوب علشانى و افتكر دايما ان مكانك ده كان مكانى . بحبك و بختار بارادتى اسيب علشانك كل محبة غريبة اخدت فى قلبى مكانك و كل امور العالم فى عينيا راح ترخص و تعلى انت وحدك وترجع بمجدك تاخد فى قلبى مكانك .
و مهما اقابل فى طريقى يا حبيب القلب و عدتنى فى يوم هيخلص الطريق الكرب و القاك مستنينى بحب هناك فى سماك و اشوفك و تتملى عينيا من بهاك .
يبقى حقى فى عيدك اهتف ليك و اغنى
هللويا حمل يسوعى القصاص عنى
مشى الطريق قبلى علشان يعينى
اه مشى الحبيب الطريق الكرب
اتهان على الصليب و هو الرب
لكنه قام هللويا و انتصر
قام يسوع و شوكة الموت كسر
هللويا

الرجوع الى أعلى الصفحة اذهب الى الأسفل
 
الطريق الكرب و حبيب القلب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات القديس ابو فانا :: افا فانا المسيحية :: منوعات مسيحية-
انتقل الى:  

الساعة الأن القاهرة (مصر)
جميع الحقوق محفوظة لـمنتديات القديس ابو فانا
 Powered by منتديات القديس ابو فانا ®ava-veny.yoo7.com
حقوق الطبع والنشر©2011 - 2010
الدردشة|منتديات ابو فانا