†† الشباب واتخاذ القرار ††

هل مهم أن أكون قادرا على اتخاذ القرار؟؟؟؟؟؟ ++++
طبعا مهم جدا ..... لأن القدرة على اتخاذ القرار دليل على أنى انسان عاقل

قادر على التفكير السليم ..... و أيضا دليل على انى انسان عنده حرية ارادة

و السيد المسيح من البداية : خلق الانسان عنده حرية الرادة

و دايما يعطيه فرصة لأتخاذ القرار

++ لان السيد المسيح مش عاوز اولاده زى (قطع الشطرنج ) .... لكن عاوزهم

أحرار فى قراراتهم

++ المسيح عاوزك تختار الحياة معاه ...... بكامل ارادتك .... بحريتك

** عاوزك لما تسلم حياتك لمشيئة الله ...... تسلمها برضاك .... و بحريتك

هل ممكن مشيئة الله تلغى مشيئتى ؟؟؟ ++++

+++ أقولك ... لأ طبعا

مش معنى انك سلمت نفسك و حياتك لمشيئة ربنا .... أنك لغيت مشيئتك

++ لكن بالعكس .......

أنت لما تقوله :: ( لتكن مشيئتك يا رب ).... معناها

1- أنك بتقول : ( أما نحن فلنا فكر المسيح ) 1كو 2 :16

2- أنك بتقول :: ( مستأسرين كل فكر الى طاعة المسيح ) 2 كو 10 : 5

+++ لتكن مشيئتك يا رب .... يعن مشيئتى بقت هى مشيئتك

لأنى مقتنع .... و راضى ... وواثق فى مشيئتك يا رب .

لكن مشيئتى البشرية و فكرى البشرى .... أنا لا أثق فيهم ابدا

*** لأنك أنت تعرف الذى لا أعرفه ..... أنت فاحص القلوب و الكلى ....

أنت تعرف المستقبل .... و تعرف المستخبى .... و تعرف الصالح فين

لذلك يا الهى ..... أنا أثق بمشيئتك و بحكمتك الألهية

حكمة الله الالهية +++
..........................

مكتوب عنها : أنها (( طاهرة .... مسالمة .... مترفقة ..... مملوءة رحمة

و أثمار صالحة ..... عديمة الريب و الريب )) يع 3 : 17

لكن الحكمة البشرية +++
.........................

مكتوب عنها : أنها (( أرضية ... نفسانية .... شيطانية

:: علشان كده الوحى الالهى فى سفر الامثال يحذرنا و يقول +++

خلى بالك : ( توجد طريق تظهر للأنسان مستقيمة و عاقبتها طرق الموت ) أم 16: 25

( فلا تكن حكيما فى عينى نفسك )
أم 3 : 7

تقولى طيب ليه ما أعتمدش على عقلى ؟؟؟؟؟؟ +++

أقولك : لأنك من حيث الامكانيات الفكرية ...... محدود

من حيث القدرة ...... محدود

من حيث المعرفة ....... محدود لا

لذلك ........... أحنا محتاجين الى السيد المسيح الغير محدود فى كل شئ +++

+++ القوى المؤثرة على اتخاذ القرار +++

********************************

فيه قوى عديدة موجودة فى الانسان تؤثر على اتخاذ القرار **

هذه القوى لابد ان يكون بينها توازن ... و تناغم .... علشان يطلع القرار صح

و الا لو انفردت قوة منهم بالقرار ..... يبقى حندخل فى الاتجاه الخطأ

و نتعب بعد كده من القرار اللى اخدناه

:: هذه القوى هى ++
............................

الروح :: و دى المسؤلة عن الناحية الروحية **

الضمير :: و ده الصوت اللى جوانا اللى ممكن يباركنا و ممكن يوبخنا **

العقل :: و ما يحمله من فكر ...و ثقافة... و تعليم **

النفس :: بما فيها من غرائز... و عادات....و عواطف.... و مشاعر **

الجسم :: بما له من ضعف ....أو قوة ..... أو جمال .... أو طول .... أو قصر **

المجتمع :: بما فيه من تقاليد .... و عادات ..... و قيم .... و ظروف اجتماعية **

+++ يبقى علشان نتخذ قرار صح ..... ما نتعبش منه فيمابعد

لازم نمر على الست قوى دول

1- الروح
...........

يعنى تصلى كويس و تطلب ارشاد ربنا و قيادته فى كل المراحل من البداية للنهاية

2- الضمير
..............

يعنى تسأل ضميرك اللى انت بتعمله ده صح و لا غلط

3- العقل
...............

يعنى تعقل الموضوع من جميع الجوانب ...... الامكانيات المادية ..... المعيشة

4- النفس
.............

يعنى تشوف مستريح نفسيا للموضوع و لا لأ...... هل فيه سلام

5- الجسم
.................

يعنى هل هذا الأمر يناسب امكانياتى الصحية و الجسدية و لا لأ

6-المجتمع
...............

يعنى هل قرارى ده حيتفق مع القيم و العادات السائدة فى المجتمع

و لا حأبقى شاذ فى وسطهم

++ اذا كانت الست قوى دى اتفقت ..... و كل واحدة قالت كلمتها

حنطلع فى النهاية بقرار صح ..... و مفيد جدا

++ لكن اذا ركزنا على جانب واحد فقط أو اثنين و اهملنا الباقى حتكون

النتيجة سيئة جدا و متعبة جدا

**** مع ملاحظة اننا فى كل مشوار حياتنا بنصلى باستمرار

++ قبل القرار : ان ربنا يرشدنا للرأى الصحيح

++ أثناء القرار : ان ربنا يتممه على خير بحسب مشيئته هو

++ بعد القرار : ان تكون النتائج خير و تجيب ثمار تفرح القلب

***** و من خلال الصلاة :: الله يتدخل و يتمم مشيئته المقدسة

+++ ضوابط اتخاذ القرار +++

***************************

(1) الروح القدس
.......................

و ده روح ربنا الساكن فيك ..... اللى بيقودك و يرشدك .... و ينورهالك

و معروف عن ولاد و بنات ربنا ..... ان الروح القدس بيقودهم

يقول : (الذين ينقادون بروح الله أولئك هم أبناء الله ) رو8 : 14

لذلك ..... أى حد عايز يعرف أى قرار صح .... يصلى بالحاح للروح القدس

أنه يرشده للطريق الصح

++ و هو حيديلك علامات ..... يديك سلام داخلى .... يديك هدوء و عدم انفعال

( 2) أب الأعتراف
......................

أب الأعتراف ده كاتم الأسرار و لا يمكن يبوح بيها

و هو اللى بيصلى عنى .... و يحط مشاكلى و طلبتى على الحمل الذبيحة

و هو اللى ربنا بيتكلم على فمه أثناء جلسة الأعتراف

لذلك دوره فى الارشاد الروحى مهم جدا ..... علشان يضبط المسار

(3) الحوار
..............

و الحوار يكون مع الناس الفاهمين .... اللى عندهم خبرة روحية و عملية

يخرجنى من دائرة الذات .... و يرحمنى من الاعتماد على فكرى الخاص

لأنى بمفردى حركز على ناحية و أسيب التانية

لكن خروجى من التقوقع .... و دخولى فى شركة محبة فى حوار مع الأسرة

و مع خدام الكنيسة أو مع أب الاعتراف .... أو مع الأصدقاء الروحيين

كل ده حيساعدنى على اكتشاف ذاتى .... و معرفة دوافعى .... و ازاى أوصل

للطريق الصح

++++ بس ده مش معناه أنى أتحاور مع أى حد فى مشاكلى و أمورى

يعنى مثلا ما ينفعش أناقش مشاكلى مع .... الشلة أو الجروب

++لكن ينفع أتحاور مع الأسرة ..... مع بابا و ماما

مع الخادم أو الخادمة .... مع أب اعترافى أو المرشد الروحى

++ حيث يقول الكتاب :: ( المساير الحكماء يصير حكيما و رفيق الجهال يضر ) أم 13:20

+++ كيف أميز مشيئة الله +++

******************************

هناك علامات معينة أستطيع بيها أنى أميز مشيئة ربنا ..... منها

1- السلام الداخلى
...........................

حيث يشعر الأنسان بصفاء نفسى و سلام داخلى نحو القرار الذى أتخذه

مع ضمير مسترح لأنه ترك للرب أن يحدد ما يختاره بحكم علمه الواسع ... و قدرته

اللانهائية

2- موافقة الكتاب المقدس
...............................

اذ يستحيل أن يتعارض الاختيار الالهى مع وصايا الكتاب

فمكان العمل الملئ بالعثرات .... ليس من الله

و شريكة الحياة البعيدة عن المسيح .... ليست من الله

و استخدام ةالوسائل الغير مشروعة فى حياتى ...... ليست من الله

3- سير الظروف
....................

حين يلجأ الأنسان للصلاة .... تاركا الرب يتدخل بالصورة التى يراها

سيتدخل الله ..... اما ايجابا أو سلبا أو مؤجلا

و سوف يكون الانسان فى قمة الراحة لأى اختيار الهى من هذه الثلاثة

+++ فليعطنا الرب القلب المرتبط به ..... و الحياة السالكة فيه .... و الأذن الواعية

لصوته ...... لنتعرف على مشيئته المقدسة
منقول abona Yohanna

آمين

موضوع شيق جدا ربنا يقويكى ويساعدك على الخدمه

ميرسى لمرورك الى ديما بيشجعنى دة ربنا يبارك خدمتك وتعب محبتك [ندعوك للتسجيل في المنتدى أو التعريف بنفسك لمعاينة هذه الصورة]

السيد المسيح خلق الانسان حر فى اختياره (جميل اوى الموضوع يا قمر ربنا يكون معاكى ) [ندعوك للتسجيل في المنتدى أو التعريف بنفسك لمعاينة هذه الصورة]

» كيف نخدم الشباب ؟ ؟
» انواع الشباب على النت
» الشباب وتحديد الهدف
» بس لكل الشباب بس دى حقيقة ادخلوا واحكموا
» كتاب الشباب والانتماء - الانبا موسى