منتديات القديس ابو فانا
سـلام ومـحـبـه اخــي الــزائــر
لـلـتـسجـيـل والـمـشاركه تـفـيـد وتستـفـيـد معانـا اضغـط عـلي الـتـسـجـيـل
وان كنت عضو مسجل معانا اضغط علي الدخول .. لـو تريد رؤيه الـمنتدي فـقـط اضغط علي اخفـاء


منتديات القديس العظيم ابو فانا هو اول منتدى يطلق على اسم القديس ابو فانا  
الرئيسيةالمجلةس .و .جبحـثالتسجيلدخول

هدف المنتدى احباء ابو فانا نحن نقدم لكم كل ما هو جديد فى عالم تقنية المنتدى على ان يكون وجهة رأئع يمكن من خلالها نشر مجد الله الى كل مسيحى والعالم ونحن نرحب بكافة اقتراحاتكم من اجل كمال التطوير المستمر فساهموا معنا للنهوض بهذا المنتدى.. اسرة ابو فانا 


شاطر | 
 

 اسكتش كوميدى جدا بعنوان ينبوع الحب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
maiky111222111
+خادم الكنيسة+
+خادم الكنيسة+


موهبتك : التمثيل والسباحه
الايه الذهبيه : كل الاشياء تعمل معا للخير
شفيعك : مار مينا والبابا كيرلس
ذكر عدد المساهمات : 16
تاريخ التسجيل : 18/11/2009
المزاج المزاج : التليفزيون

مُساهمةموضوع: اسكتش كوميدى جدا بعنوان ينبوع الحب   الأحد يناير 24, 2010 6:55 pm

عادل : انت مش قادر تفهمينى يا سامى
سامى : مش قادر افهمك ايه .. بقى تسيب ابحاثك وتجاربك علشان تعمل وردة
عادل : الوردة دى مش عادية.. دى وردة الحب الانسان اللى يشمها يحب كل الناس
سامى : ياسلام
عادل : انا هوريك
سامى : ازاى بقى ؟
عادل : انده مصيلحى البواب علشان نجربها عليه
سامى : اشمعنى مصليحى
عادل : بيكره كل الناس وكمان علشان مبيعملش حاجة الا بفلوس
سامى : عادل انت متاكد
عادل : اندهله وانت تشوف ( يخرج ثم يدخل وهو يدفع مصيلحى )
سامى : ادخل بقى عزبتنى
مصيلحى : متزقنيش بقى .. انا مش شغال عندك
سلوى : بقولك ادخل
مصيلحى : بقولك ايه منيش داخل يعنى منيش داخل
عادل : يا مصيلحى اهدى .. ما انت دخلت خلاص
مصيلحى : هه دخلت .. طب منيش خارج
عادل : خلاص يا مصيلحى .. تعال تعال انا عايزك
مصيلحى : ايوه يا بيه .. بس ابعد مرتك عنى
عادل : انا عايزك فى حاجة مهمة
مصيلحى : خير يا بيه
عادل : اسمع .. انا هعمل معاك صفقة
مصيلحى : صفقة اوه ...يا بيه يعنى انت هتطبل وانا اصقف.
عادل : اصقف ايه واطبل ايه .. صفقة يعنى بزنس
مصيلحى : ايوه ايوه .. بس بس قطط يعنى
عادل : قطط ايه .. بقولك ايه سيبك من كل ده .. قولى يا مصيلحى انت بتحب
مصيلحى : ليه يا بيه حضرتك شايف لى عروسة
عادل : عروسة .. لا يا مصيلحى مش قصدى الحب ده .. انا قصدى الحب التانى
مصيلحى : ايوه فهمت يا بيه
عادل : فهمتى ايه "؟
مصيلحى : انا بحب الملوخيى بالتقلية
عادل : تقليه ايه يا مصيلحى .. انا اقصد حب الناس.. تحب الناس ويحبوك .. يعنى انت مثل ايه رايك فى سامى اخويا . بتحبه
مصيلحى : قبر يلمه قال يزقنى واحبه
سلوى : انت بتقول ايه ؟
عادل : استنا بس يا سامى . طيب انا هعمل معاك اتفاق ... لو شميت الوردة دى هديك 5 جنيه
مصيلحى : معقول اشم وردة واخد 5 جنيه .. طيب بقول لك ايه يا بيه انا هعمل معاك صفقة .. اكلها وتدينى 10 جنيه
عادل : يا مصيلحى انت هتشمها وبس وتاخد 5 جنيه
مصيلحى : خلاص يا بيه هات
عادل : براحة يا مصيلحى وانت بتشمها
مصيلحى : متخافش يا بيه دا نا شمام كبير
عادل : فعلا انا كنت شاكك فى كده من زمان
سامى : احنا استحملناك كتير قوى متشم بقى وتخلصنا
مصيلحى : عادل بيه ابعد الراجل ده عنى
عادل : تعال هنا يا سامى ( مصيلحى يشم الوردة ويطوح ثم يسقط ) ايه ده .. الظاهر انه مات .. نجحت يا سامى
سامى : نجحت نجحت ايه بس .. دا باين عليه مات فعلا .. انا كان قلبى حاسس
عادل : مصيبة ليكون مات بجد
سامى : ايهده دا ابتدى يتحرك اهوه
مصيلحى : اه يا دماغى اه يا نفوخى
عادل : مصيلحى .. حاسس بايه؟
سامى : انا هجيب له كباية ميه
عادل : بسرعة يا سامى
مصيلحى : نفوخى يا باه .. حاسس ان فيه قردين عيتعاركوا فيها
عادل : عيتعاكو يعنى ايه ؟
مصيلحى : يا عيتخانقوا يا بيه
سامى : الميه اهه
عادل : خد خد يا مصيلحى اشرب
مصيلحى : ايه دى ميه .. معندكمش عصير كلب اشيله
سامى : فى عصير فى الدنيا اسمه كلب تشيله
مصيلحى : ايوه
سامى : ميكونش قصدك كابتشينو
مصيلحى : ايوه هو ده.
سامى : لا معندناش. اشرب بقى كوباية الميه دى
عادل : اشرب الميه يا مصيلحى علشان تفوق
مصيلحى : حاضر يا بيه
عادل : كفايى يا مصيلحى الكوباية جالها جفاف .. هه حاسس بايه؟
مصيلحى : خلاص يا بيه كانت دوخة وراحت
عادل : طيب والقردين
مصيلحى : بينهم اتصالحو .. انى نفوخى دلوقيت عامل زى الصفحة البيضة.. حاسس انى بحبك بحبك قوى يا عادل بيه .. ( يعفصه فى حضنه ) وانت كمان يا سامى بيه
عادل : بالراحة يا مصيلحى ضلوعى
مصيلحى : حاسس انى بحب مرتى وبنتى وبحب كل الناس
عادل : نجحت يا سامى نجحت
سامى : مبروك يا عادل مبروك
عادل : خد يا مصيلحى ال5 جنية اللى وعدتك بيها اهيه
مصيلحى : 5 جنيه ايه يا بيه .. انى بتاع الحاجات دى برضك .
عادل : هايل شوفتى يا سامى اخيرا قدرت اوصل للحب الحقيقى
سامى : فعلا يا عادل دى معجزة.
مصيلحى : اه يا راسى .. ( يطوح)
سامى : ايه ده مصيلحى بيطوح
عادل : ايه يا مصيلحى مالك
مصيلحى : اه يا دماغى .. بقولك ايه يا بيه ادينى ال5 جنيه اللى قولت لى عليها خلينى امشى
عادل : ما انا قولت لك خدها وانت مرديتش
مصيلحى : معقول يا بيه .. حد يقولى خد 5 جنيه وقوله لا
عادل : خلاص يا مصيلحى خد ال5 جنيه اهيه
سامى : طيب عايزاك تجيب لى شوية طلبات يا مصيلحى
مصيلحى : انت .. مش فاضى .. قبر يلمك
عادل : ايوه بس انت لسه قايل انك بتحبه وبتحب كل الناس
مصيلحى : انى قولت اكده محصلش يا بيه الظاهر انك شارب حاجة .. عن اذنك يابيه ومتشكر على ال5 جنيه
عادل : معقول فشلت بعد كل التعب ده
سامى : مش مهم المهم ان الوردة كان ليها تاثير حتى لو كان قصير
عادل : ايوه بس مش هو ده الحب اللى كنت بدور عليه .. ان بدور على حب حقيقى حب ابدى
سامى : اهدى يا عادل
عادل : انا راجع معملى تانى اشوف الغلط فين ( يخرجون ثم يعود عادل ومعه سلوى)
عادل يدخل ) يارب تطلع صح زمان عمى سعيد على وصول دلوقت راجل نكدى ومتشائم وبيكره نفسه( يدخل عمه سعيد )
سعيد : خير يا سعيد افندم عايز ايه ؟ .. ما هو انا مخدش منكم غير المصايب .. خير اتكلم .. واقف ليه زي الصنم اتكلم
عادل : هو انت مدينى فرص اتكلم يا عمى
سعيد : طيب اتكلم اتفضل .. ماتتكلم .. ساكت ليه
عادل : ( يمسك بق عمه ) عمى انت وحشتنى وعايز اتكلم معاك شوية
سعيد :يا سلام بقى جايبنى هنا علشان كده انا قولت انك اتشليت غورت فى مصيبة جاتكارثة
عادل : بس كفاية ارجوك .. كل ده علشان قولت لك انك وحشتنى .. امال لو قولت لك بحبك كنت قولت ايه ؟
سعيد : اسمع انا معنديش وقت اضيعه معاك .. عايز ايه ؟ خلصنى
عادل : عمى ايه رايك فى الوردة دى ؟
سعيد : نعم وردة .. انت اتجننت
عادل : طيب خد شمها كده دى ريحتها جميلة جدا
سعيد : اشم ايه ؟ ايه الكلام الفارغ ده
عادل : عمى انا مش عايز منك غير انك تشم الوردة وتقولى ايه رايك فى ريحتها
سعيد : هو ده الموضوع اللى انت عايزنى فيه حاضر يا سيدى وادى الوردة اهيه( يشمها )
عادل : هه ايه رايك؟
سعيد : ريحتها غريبة قوي .. وردة ايه دى ؟ اه دماغى دماغى
عادل : هايل المفعول ابتدى .. حاسس بايه دلوقتى ؟
سعيد : حاسس ان دماغى هطير
عادل : ممتاز ..
سعيد : ايه ده .. عادل ..ابن اخويا .. وحشتنى قوى ( يحضنه )
عادل : الحمد لله نجحت
سعيد : تعال فى حضنى يا ابن اخويا تعال
عادل : انا مش مصدق نفسى .. نجحت.
سعيد : هه جبت لى ايه معاك من موزنبيق
عادل : موزنبيق .
سعيد : ايوه موزنبيق .. انا كنت هناك امبارح بس معديتش عليك كنت متاخر .. كان عندى معاد فى كندا
عادل : كندا .. عمى
سعيد : انا مش عمك .. انا هاملت ..
عادل : هاملت .. يا نهار اسود
سعيد : حاسب .. حاسب
عادل : ايه فى ايه ؟
سعيد : الصرصار كان هيدوسك
عادل : الحمد لله .. انقذت حياتى
سعيد : لابد ان تموتى .. قبل ان يطلع الفجر .. لكى اغسلك فومين فى طشت الغسيل
عادل : طشت الغسيل
سعيد : هى الساعة كام ؟
عادل : الساعة 6 .. ليه ؟
سعيد : اصل عندى معاد الساعة 5 .. مع ابو الهول يادوب الحق
عادل : ابو الهول
سعيد : ايوه ابو الهول .. زميل الدراسة والطفولة ..
عادل : ابو الهول كان زميلك
سعيد : الحضارة .. التاريخ .. المسقعة .. الكوسة ( ويخرج )
عادل : اكيد فى حاجة غلط لازم اراجع تانى
عادل : تعالى يا سميرة
سميرة : انا مش مصدقة الكلام اللى انت بتقوله ده يا عادل يا اخويا
عادل : انت مش بتشتكى من ان جوزك بيكرهك ودايما بيتخانق معاكى
سميرة : ايوه .. بس حكاية الوردة دى
عادل : متقلقيش .. وبعدين مش هتخسرى حاجة .. المهم هو فين ؟
سميرة : انا اتصلت بيه وزمانه جاى دلوقتى
عادل : طيب لما يجى سبينى انا اتصرف
سميرة : اما نشوف اخرتها ايه ؟ اهوه جه ( يدخل مايكل )
مايكل : مساء الخير
عادل : اهلا مساء النور ازيك يا مايكل ؟ عامل ايه ؟
مايكل : من غير لت وعجن .. خير فى ايه ؟
عادل : ممتاز هايل
مايكل : هو ايه الممتاز وهايل .. انتوا عايزين ايه ؟
سميرة : احنا عايزين نتكلم معاك شوية
مايكل : ليه خير ؟
سميرة : هو انا مش مراتك برضه يا مايكل
مايكل : وبعدين
سميرة : ولا قبلين .. عادل عايز يقولك على حاجة
مايكل : طب غور انت من وشى اما نشوف المحروس ااخوكى عايز ايه ؟
عادل : انا كنت عايز اتكلم معاك بخصوص المشاكل اللى بينك وبين سميرة
مايكل : انا مش عايز اتكلم فى الموضوع ده .. مبحبش اجيب سيرتها
عادل : طيب بلاش نغير الموضوع .. ايه رايك فى الوردة دى ؟
مايكل : طول عمرى اقول عليك هايف .. وردة ايه ؟
عادل : دى وردة جميلة جدا وريحتها حلوة قوى شمها كده
مايكل : ( يشمها ) ولا حلوة ولا حاجة .ريحتها زى طبيخ اختك .. لاطعم ولا ريحه .. اه دماغى
عادل : كويس .. ابتدينا
سميرة : كويس ايه دا شكله بيموت
عادل : دا كده معناه ان المفعول ابتدى
سميرة : عادل .. ان مش مطمنة
عادل : استنى بس .. هه يا مايكل حاسس بايه؟
مايكل : حاسس ان .. حاسس ان
سميرة : حاسس بايه يا مايكل مالك
مايكل : انت سميرة مراتى
عادل : ايوه مراتك امال امك
مايكل : سميرة انا حاسس انى .. انى بكرهك .. بكرهك وبكرهك انت كمان .. وبكره كل الناس
عادل : انت بتقول ايه ؟
مايكل : ايوه انا بكرهكم بكرهكم كلكم ( ثم يخرج )
عادل : مش ممكن مش معقول .. ازاى
سميرة : مايكل .. مايكل
عادل : اظاهر انى فشلت اظاهر ان الحب الحقيقى ملوش وجود فى عالمنا ده
مينا : مين اللى قال كده ؟
عادل : اهلا يا مينا .. ازيك يا رانيا
رانيا : مين اللى قالك ان الحب الحقيقى مش موجود
عادل : ان اتاكدت انه مستحيل
مينا : احنا كنا زيك فاكرين كده
عادل : كنتوا يعنى ايه ؟
رانيا : يعنى لاقينا الحب الحقيقى
عادل : انتوا .. انتوا اخر ناس ممكن تتكلموا عن الحب .. دانتوا دايما فى مشاكل وخنقات مع بعض .. محدش بيحبكم من قلبكم اللى مليان كراهية.. انتوا حتى بتكرهو نفسكم
مينا : دا كان زمان قبل ما نلاقى ينبوع الحب
عادل : ينبوع الحب
رانيا : ايوه ينبوع الحب .. النهر اللى بيفيض ويزيد بالحب العظيم
عادل : هو فين ؟ هو فين ؟
مينا : بص للصليب .. وانت تشوفه
رانيا : هتشوف قصة الحب العجيب
مينا : هتشوف المسيح وهو بيدفع تمن خطيتنا وجرمنا وهو ملوش ذنب
رانيا : هتشوف ازاى ضحى بنفسه علشانك .. بدون مقابل
مينا : هتشوف اعظم حب فى الوجود
عادل : ( ينظر للصليب ) فعلا هو ده الحب الحقيقى اللى بدور عليه .. بس ازاى اقدر انول الحب ده
رانيا : بالتوبة .. توب عن خطايك وتاكد ان المسيح هيقبلك
مينا : اترمى فى حضن كنيستك واسرارها
رانيا : سلم حياتك للمسيح .. هيديلك قلب مليان حب
مينا : هيديلك حياة جديدة كلها حب
عادل : انا هتوب .. وهكلم كل الناس وقولهم انى لاقيت ينبوع الحب
ستار
الرجوع الى أعلى الصفحة اذهب الى الأسفل
اسرة ابو فانا
+( قبطى درجة اولى )+
+( قبطى درجة اولى )+
avatar

موهبتك : الترنيم
الايه الذهبيه : الرب قريب لمن يدعوه
شفيعك : القديس ابو فانا
ذكر عدد المساهمات : 523
تاريخ التسجيل : 03/05/2009
الموقع : http://ava-veny.yoo7.com
المزاج المزاج : تمام جدا

مُساهمةموضوع: رد: اسكتش كوميدى جدا بعنوان ينبوع الحب   الإثنين يناير 25, 2010 1:46 am

متمييز اسكتش جميل جدا ربنا يباركك ويعوضك مستنيين منك كل جديد








الرجوع الى أعلى الصفحة اذهب الى الأسفل
http://ava-veny.yoo7.com
سيفو
+قبطية خادمة+
+قبطية خادمة+
avatar

موهبتك : القراءه
الايه الذهبيه : لا تخف لانى معك
شفيعك : الانبا مقار الكبير
انثى عدد المساهمات : 75
تاريخ التسجيل : 29/12/2009
المزاج المزاج : عادى

مُساهمةموضوع: رد: اسكتش كوميدى جدا بعنوان ينبوع الحب   الأربعاء يناير 27, 2010 9:49 pm

ميرسي ليك منتظرين كل جديد منك
الرجوع الى أعلى الصفحة اذهب الى الأسفل
جوزيف امير كامل
صديق جديد
صديق جديد
avatar

موهبتك : المسرح
الايه الذهبيه : انا هو نو العالم
شفيعك : ما جرجس
ذكر عدد المساهمات : 1
تاريخ التسجيل : 05/11/2011
المزاج المزاج : عالى

مُساهمةموضوع: رد: اسكتش كوميدى جدا بعنوان ينبوع الحب   السبت نوفمبر 05, 2011 3:30 am

maiky111222111 كتب:
عادل : انت مش قادر تفهمينى يا سامى
سامى : مش قادر افهمك ايه .. بقى تسيب ابحاثك وتجاربك علشان تعمل وردة
عادل : الوردة دى مش عادية.. دى وردة الحب الانسان اللى يشمها يحب كل الناس
سامى : ياسلام
عادل : انا هوريك
سامى : ازاى بقى ؟
عادل : انده مصيلحى البواب علشان نجربها عليه
سامى : اشمعنى مصليحى
عادل : بيكره كل الناس وكمان علشان مبيعملش حاجة الا بفلوس
سامى : عادل انت متاكد
عادل : اندهله وانت تشوف ( يخرج ثم يدخل وهو يدفع مصيلحى )
سامى : ادخل بقى عزبتنى
مصيلحى : متزقنيش بقى .. انا مش شغال عندك
سلوى : بقولك ادخل
مصيلحى : بقولك ايه منيش داخل يعنى منيش داخل
عادل : يا مصيلحى اهدى .. ما انت دخلت خلاص
مصيلحى : هه دخلت .. طب منيش خارج
عادل : خلاص يا مصيلحى .. تعال تعال انا عايزك
مصيلحى : ايوه يا بيه .. بس ابعد مرتك عنى
عادل : انا عايزك فى حاجة مهمة
مصيلحى : خير يا بيه
عادل : اسمع .. انا هعمل معاك صفقة
مصيلحى : صفقة اوه ...يا بيه يعنى انت هتطبل وانا اصقف.
عادل : اصقف ايه واطبل ايه .. صفقة يعنى بزنس
مصيلحى : ايوه ايوه .. بس بس قطط يعنى
عادل : قطط ايه .. بقولك ايه سيبك من كل ده .. قولى يا مصيلحى انت بتحب
مصيلحى : ليه يا بيه حضرتك شايف لى عروسة
عادل : عروسة .. لا يا مصيلحى مش قصدى الحب ده .. انا قصدى الحب التانى
مصيلحى : ايوه فهمت يا بيه
عادل : فهمتى ايه "؟
مصيلحى : انا بحب الملوخيى بالتقلية
عادل : تقليه ايه يا مصيلحى .. انا اقصد حب الناس.. تحب الناس ويحبوك .. يعنى انت مثل ايه رايك فى سامى اخويا . بتحبه
مصيلحى : قبر يلمه قال يزقنى واحبه
سلوى : انت بتقول ايه ؟
عادل : استنا بس يا سامى . طيب انا هعمل معاك اتفاق ... لو شميت الوردة دى هديك 5 جنيه
مصيلحى : معقول اشم وردة واخد 5 جنيه .. طيب بقول لك ايه يا بيه انا هعمل معاك صفقة .. اكلها وتدينى 10 جنيه
عادل : يا مصيلحى انت هتشمها وبس وتاخد 5 جنيه
مصيلحى : خلاص يا بيه هات
عادل : براحة يا مصيلحى وانت بتشمها
مصيلحى : متخافش يا بيه دا نا شمام كبير
عادل : فعلا انا كنت شاكك فى كده من زمان
سامى : احنا استحملناك كتير قوى متشم بقى وتخلصنا
مصيلحى : عادل بيه ابعد الراجل ده عنى
عادل : تعال هنا يا سامى ( مصيلحى يشم الوردة ويطوح ثم يسقط ) ايه ده .. الظاهر انه مات .. نجحت يا سامى
سامى : نجحت نجحت ايه بس .. دا باين عليه مات فعلا .. انا كان قلبى حاسس
عادل : مصيبة ليكون مات بجد
سامى : ايهده دا ابتدى يتحرك اهوه
مصيلحى : اه يا دماغى اه يا نفوخى
عادل : مصيلحى .. حاسس بايه؟
سامى : انا هجيب له كباية ميه
عادل : بسرعة يا سامى
مصيلحى : نفوخى يا باه .. حاسس ان فيه قردين عيتعاركوا فيها
عادل : عيتعاكو يعنى ايه ؟
مصيلحى : يا عيتخانقوا يا بيه
سامى : الميه اهه
عادل : خد خد يا مصيلحى اشرب
مصيلحى : ايه دى ميه .. معندكمش عصير كلب اشيله
سامى : فى عصير فى الدنيا اسمه كلب تشيله
مصيلحى : ايوه
سامى : ميكونش قصدك كابتشينو
مصيلحى : ايوه هو ده.
سامى : لا معندناش. اشرب بقى كوباية الميه دى
عادل : اشرب الميه يا مصيلحى علشان تفوق
مصيلحى : حاضر يا بيه
عادل : كفايى يا مصيلحى الكوباية جالها جفاف .. هه حاسس بايه؟
مصيلحى : خلاص يا بيه كانت دوخة وراحت
عادل : طيب والقردين
مصيلحى : بينهم اتصالحو .. انى نفوخى دلوقيت عامل زى الصفحة البيضة.. حاسس انى بحبك بحبك قوى يا عادل بيه .. ( يعفصه فى حضنه ) وانت كمان يا سامى بيه
عادل : بالراحة يا مصيلحى ضلوعى
مصيلحى : حاسس انى بحب مرتى وبنتى وبحب كل الناس
عادل : نجحت يا سامى نجحت
سامى : مبروك يا عادل مبروك
عادل : خد يا مصيلحى ال5 جنية اللى وعدتك بيها اهيه
مصيلحى : 5 جنيه ايه يا بيه .. انى بتاع الحاجات دى برضك .
عادل : هايل شوفتى يا سامى اخيرا قدرت اوصل للحب الحقيقى
سامى : فعلا يا عادل دى معجزة.
مصيلحى : اه يا راسى .. ( يطوح)
سامى : ايه ده مصيلحى بيطوح
عادل : ايه يا مصيلحى مالك
مصيلحى : اه يا دماغى .. بقولك ايه يا بيه ادينى ال5 جنيه اللى قولت لى عليها خلينى امشى
عادل : ما انا قولت لك خدها وانت مرديتش
مصيلحى : معقول يا بيه .. حد يقولى خد 5 جنيه وقوله لا
عادل : خلاص يا مصيلحى خد ال5 جنيه اهيه
سامى : طيب عايزاك تجيب لى شوية طلبات يا مصيلحى
مصيلحى : انت .. مش فاضى .. قبر يلمك
عادل : ايوه بس انت لسه قايل انك بتحبه وبتحب كل الناس
مصيلحى : انى قولت اكده محصلش يا بيه الظاهر انك شارب حاجة .. عن اذنك يابيه ومتشكر على ال5 جنيه
عادل : معقول فشلت بعد كل التعب ده
سامى : مش مهم المهم ان الوردة كان ليها تاثير حتى لو كان قصير
عادل : ايوه بس مش هو ده الحب اللى كنت بدور عليه .. ان بدور على حب حقيقى حب ابدى
سامى : اهدى يا عادل
عادل : انا راجع معملى تانى اشوف الغلط فين ( يخرجون ثم يعود عادل ومعه سلوى)
عادل يدخل ) يارب تطلع صح زمان عمى سعيد على وصول دلوقت راجل نكدى ومتشائم وبيكره نفسه( يدخل عمه سعيد )
سعيد : خير يا سعيد افندم عايز ايه ؟ .. ما هو انا مخدش منكم غير المصايب .. خير اتكلم .. واقف ليه زي الصنم اتكلم
عادل : هو انت مدينى فرص اتكلم يا عمى
سعيد : طيب اتكلم اتفضل .. ماتتكلم .. ساكت ليه
عادل : ( يمسك بق عمه ) عمى انت وحشتنى وعايز اتكلم معاك شوية
سعيد :يا سلام بقى جايبنى هنا علشان كده انا قولت انك اتشليت غورت فى مصيبة جاتكارثة
عادل : بس كفاية ارجوك .. كل ده علشان قولت لك انك وحشتنى .. امال لو قولت لك بحبك كنت قولت ايه ؟
سعيد : اسمع انا معنديش وقت اضيعه معاك .. عايز ايه ؟ خلصنى
عادل : عمى ايه رايك فى الوردة دى ؟
سعيد : نعم وردة .. انت اتجننت
عادل : طيب خد شمها كده دى ريحتها جميلة جدا
سعيد : اشم ايه ؟ ايه الكلام الفارغ ده
عادل : عمى انا مش عايز منك غير انك تشم الوردة وتقولى ايه رايك فى ريحتها
سعيد : هو ده الموضوع اللى انت عايزنى فيه حاضر يا سيدى وادى الوردة اهيه( يشمها )
عادل : هه ايه رايك؟
سعيد : ريحتها غريبة قوي .. وردة ايه دى ؟ اه دماغى دماغى
عادل : هايل المفعول ابتدى .. حاسس بايه دلوقتى ؟
سعيد : حاسس ان دماغى هطير
عادل : ممتاز ..
سعيد : ايه ده .. عادل ..ابن اخويا .. وحشتنى قوى ( يحضنه )
عادل : الحمد لله نجحت
سعيد : تعال فى حضنى يا ابن اخويا تعال
عادل : انا مش مصدق نفسى .. نجحت.
سعيد : هه جبت لى ايه معاك من موزنبيق
عادل : موزنبيق .
سعيد : ايوه موزنبيق .. انا كنت هناك امبارح بس معديتش عليك كنت متاخر .. كان عندى معاد فى كندا
عادل : كندا .. عمى
سعيد : انا مش عمك .. انا هاملت ..
عادل : هاملت .. يا نهار اسود
سعيد : حاسب .. حاسب
عادل : ايه فى ايه ؟
سعيد : الصرصار كان هيدوسك
عادل : الحمد لله .. انقذت حياتى
سعيد : لابد ان تموتى .. قبل ان يطلع الفجر .. لكى اغسلك فومين فى طشت الغسيل
عادل : طشت الغسيل
سعيد : هى الساعة كام ؟
عادل : الساعة 6 .. ليه ؟
سعيد : اصل عندى معاد الساعة 5 .. مع ابو الهول يادوب الحق
عادل : ابو الهول
سعيد : ايوه ابو الهول .. زميل الدراسة والطفولة ..
عادل : ابو الهول كان زميلك
سعيد : الحضارة .. التاريخ .. المسقعة .. الكوسة ( ويخرج )
عادل : اكيد فى حاجة غلط لازم اراجع تانى
عادل : تعالى يا سميرة
سميرة : انا مش مصدقة الكلام اللى انت بتقوله ده يا عادل يا اخويا
عادل : انت مش بتشتكى من ان جوزك بيكرهك ودايما بيتخانق معاكى
سميرة : ايوه .. بس حكاية الوردة دى
عادل : متقلقيش .. وبعدين مش هتخسرى حاجة .. المهم هو فين ؟
سميرة : انا اتصلت بيه وزمانه جاى دلوقتى
عادل : طيب لما يجى سبينى انا اتصرف
سميرة : اما نشوف اخرتها ايه ؟ اهوه جه ( يدخل مايكل )
مايكل : مساء الخير
عادل : اهلا مساء النور ازيك يا مايكل ؟ عامل ايه ؟
مايكل : من غير لت وعجن .. خير فى ايه ؟
عادل : ممتاز هايل
مايكل : هو ايه الممتاز وهايل .. انتوا عايزين ايه ؟
سميرة : احنا عايزين نتكلم معاك شوية
مايكل : ليه خير ؟
سميرة : هو انا مش مراتك برضه يا مايكل
مايكل : وبعدين
سميرة : ولا قبلين .. عادل عايز يقولك على حاجة
مايكل : طب غور انت من وشى اما نشوف المحروس ااخوكى عايز ايه ؟
عادل : انا كنت عايز اتكلم معاك بخصوص المشاكل اللى بينك وبين سميرة
مايكل : انا مش عايز اتكلم فى الموضوع ده .. مبحبش اجيب سيرتها
عادل : طيب بلاش نغير الموضوع .. ايه رايك فى الوردة دى ؟
مايكل : طول عمرى اقول عليك هايف .. وردة ايه ؟
عادل : دى وردة جميلة جدا وريحتها حلوة قوى شمها كده
مايكل : ( يشمها ) ولا حلوة ولا حاجة .ريحتها زى طبيخ اختك .. لاطعم ولا ريحه .. اه دماغى
عادل : كويس .. ابتدينا
سميرة : كويس ايه دا شكله بيموت
عادل : دا كده معناه ان المفعول ابتدى
سميرة : عادل .. ان مش مطمنة
عادل : استنى بس .. هه يا مايكل حاسس بايه؟
مايكل : حاسس ان .. حاسس ان
سميرة : حاسس بايه يا مايكل مالك
مايكل : انت سميرة مراتى
عادل : ايوه مراتك امال امك
مايكل : سميرة انا حاسس انى .. انى بكرهك .. بكرهك وبكرهك انت كمان .. وبكره كل الناس
عادل : انت بتقول ايه ؟
مايكل : ايوه انا بكرهكم بكرهكم كلكم ( ثم يخرج )
عادل : مش ممكن مش معقول .. ازاى
سميرة : مايكل .. مايكل
عادل : اظاهر انى فشلت اظاهر ان الحب الحقيقى ملوش وجود فى عالمنا ده
مينا : مين اللى قال كده ؟
عادل : اهلا يا مينا .. ازيك يا رانيا
رانيا : مين اللى قالك ان الحب الحقيقى مش موجود
عادل : ان اتاكدت انه مستحيل
مينا : احنا كنا زيك فاكرين كده
عادل : كنتوا يعنى ايه ؟
رانيا : يعنى لاقينا الحب الحقيقى
عادل : انتوا .. انتوا اخر ناس ممكن تتكلموا عن الحب .. دانتوا دايما فى مشاكل وخنقات مع بعض .. محدش بيحبكم من قلبكم اللى مليان كراهية.. انتوا حتى بتكرهو نفسكم
مينا : دا كان زمان قبل ما نلاقى ينبوع الحب
عادل : ينبوع الحب
رانيا : ايوه ينبوع الحب .. النهر اللى بيفيض ويزيد بالحب العظيم
عادل : هو فين ؟ هو فين ؟
مينا : بص للصليب .. وانت تشوفه
رانيا : هتشوف قصة الحب العجيب
مينا : هتشوف المسيح وهو بيدفع تمن خطيتنا وجرمنا وهو ملوش ذنب
رانيا : هتشوف ازاى ضحى بنفسه علشانك .. بدون مقابل
مينا : هتشوف اعظم حب فى الوجود
عادل : ( ينظر للصليب ) فعلا هو ده الحب الحقيقى اللى بدور عليه .. بس ازاى اقدر انول الحب ده
رانيا : بالتوبة .. توب عن خطايك وتاكد ان المسيح هيقبلك
مينا : اترمى فى حضن كنيستك واسرارها
رانيا : سلم حياتك للمسيح .. هيديلك قلب مليان حب
مينا : هيديلك حياة جديدة كلها حب
عادل : انا هتوب .. وهكلم كل الناس وقولهم انى لاقيت ينبوع الحب
ستار
اقتباس :
[list][*][list=1][*][table]
الرجوع الى أعلى الصفحة اذهب الى الأسفل
 
اسكتش كوميدى جدا بعنوان ينبوع الحب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات القديس ابو فانا :: منتدى الخدمه :: قسم خدمه المسرح وخدام المسرح-
انتقل الى:  

الساعة الأن القاهرة (مصر)
جميع الحقوق محفوظة لـمنتديات القديس ابو فانا
 Powered by منتديات القديس ابو فانا ®ava-veny.yoo7.com
حقوق الطبع والنشر©2011 - 2010
الدردشة|منتديات ابو فانا