( الحسد ) اسكتش جامد جدا

(مجموعة اصحاب يجلسون حول فى كافيترية الجامعة: "ولدين وبنت:-مينا,مايكل,مريم,"وصاحبهم الحسودى امجد",الجرسون)

(يجلس مينا على فى الكافيتريا ينتظر اصحابة ثم يدخلو مايكل ومريماصحاب مينا)
مايكل:اية دى مينا قاعد هناك اهو تعالى نسلم علية
مريم:اوكى يلا.. هاى مينا ازيك
مينا :الحمدلله ازيك انتى يامريم
مايكل: ازيك يامينا عامل اية..اية يعنى مادخلتش المحاضرة النهاردة يعنى؟؟
مينا : ابدا انا كنت تعبان شوية
وجيت متاخرمدخلتش.
(يجلسون الاصدقاء معا)
مايكل,مريم :الفسلامة عليك مالك تعبان باية؟
مينا :هو فى حد فلت من عين امجد.. !
مايكل :هو انت وصلت لامجد.. كويس انك لسة عايش احكيلنا اية اللى حصل.؟
مينا :ابدا ياعم كنت انا وامجد..ركبين العربية الجديدة بتعتى لاول مرة
اةةةةةةةةةةةة واخر مرة
اطلع بيها
بعد ما اتعلمت السواقة بصعوبة... وهو مابطلش حسد وقر(يبختك ياعم عربية جميلة قوى وكمان على الزيرووو )
هو ماكملش كلامة ودخلنا فى عربية كوتشها ضرب وهى ماشية دخلت فينا كنا هنموت والعربية الله يرحمها..

مايكل :مش قلتلك كويس انك لسه عايش!!!!!!!!!!
مريم :ياخى حرام عليك متقولش كده دى اسمه جهل.
مينا :لا يامريم دى مش جهل دى كل ما يبص لحاجة تدمر وتخرب.
مينا :ييه اهو سى امجد الحسودى وصل
(ثم يكلم مينا الجمهور..ويقول)
مينا:استخبو انتو دلوقتى..
مايكل : ربنا يستر دى علية عين وحسودى جدا..اهو جاى علينا.. وهتشوفى بنفسك.
امجد : ازيكم ياشباب عاملين اية وفين باقى شلتكم الكبيرة.
مايكل : انقرضنا من ساعة ما شفتنا ودخلت فيها.
مينا : لاقصدك.. واحد مات و2 نقلو من الجامعة والبلد خالص
و3 راسبين مش بيجو اصلا سبوها مخضرة.
مريم : بس عيب كدةاتفضل يامجد اقعد اصل هما بيحبو يهزرو كتير.
امجد : ايوة الكرسى دى مريح قوى
(عندما يجلس علية يكسر ثم يقع ارضا بالكرسى لانة اصلا كان مكسور)
مينا :ياخى حتى الكرسى ماسبتة فى حاله
اسكت شوية وبطل حسد بقى.
مريم :ياعم دى رجل الكرسى ملخلخة فاتكسرة يعنى مش حسد..هات كرسى تانى واقعد علية يامجدا.
امجد :بعد كدة هزعل بجد.. الضحك والهزار مش فى كل وقت..
مينا ومايكل :خلاص ياسيدى اقعد ومتزعلش اقعد.
(ينظر امجد للسقف ويتاملة ثم يعلق ويقول)
امجد : احلى ما فى المكان دة الاضاءة قوية جدا وجميلة وزاهية وكتيرة ..
(بعد هذا الكلام يطفى النور كله مباشرة مع صوت فرقعة لو امكن)
مينا :ياساتر يارب اية يابنى دة حتى النور.
(ثم ينور النور مرة اخرى باضاءة ضعيفة ثم ينور كاملا)
(ثم يكلم مايكل الجمهور)
مايكل :لاماتخفوش طول ما معانا امجد كل دة واكتر.. هايحصل هايحصل
مريم :يوة ..دى كان ضغط الكهرباء الكتير عمل قفلة ومعرض النور فى اى وقت يطفى
امجد : اقعدو ياجماعة..حصل خير هو النور فى المكان دة بيطفى دايما.
مينا : حصل خير احنا لسة شفنا حاجة
مايكل : دى التقيل جاى وراه.
(ثم يدخل الجرسون شايل الصينية بها كوب وزجاجة ماء)
امجد :بصو الجرسون شايل الصينية بمعلمة اذاى وعمره عمره ما تقع منه ابدا.
(وفى الحال تقع الصينية بكل ما فيها لانة اتزحلق فى قشرة موز ثم يقف الجرسون ويحاول جمع كل شئ على جانب ثم يذهب لهم)
مايكل :يا اخى دى كمان ما سبتة فى حالة
مينا : ها ياست مريم دى كمان ضغط كهرباء ولا ملخلخ
مايكل : حرام عليك ياامجد ارحمنا.
الجرسون : ازيكم عملين اية.. تحبو تشربو اية.. ولا انزل طلبات كل يوم.
مينا : المهم انتى عامل اية اتعورت
الجرسون: لا مافيش حاجة الحمدلله دى كانت قشره موز
امجد: اهو قشرة موز.. الحمد لله يسامح اللى كان السبب
مينا : ايوة ياعم عايزين طلبات كل يوم.. وارجوك اهرب بسرعة من هنا خلى ربنا يستر النهاردة
ويعدى على خير انا مش متفائل.
مايكل : عندك حق وانا كمان قلبى مقبوض ربنا يستر.
مريم : اية اللى بتعملوه ده.. اقعد ياامجد بيضحكو معاك
(مازال الجرسون واقف .. ثم يسال امجد)
الجرسون :انا لسة ماعرفتش حضرتك تشرب اية يااستاذ امجد
امجد : كو كا كولا .. وبسكوت.
الجرسون : حاضر تحت امرك.
امجد : بصي اخى الجرسون ده صحتة حلوى طول النهار واقف على رجلية رايح جاى .. ولا ذاكرتة فاكر كل واحد وطلباتة المفضلة صحتة حلوى جدا وعمره ما اشتكى ولا تعب.
الجرسون : اةةةة الحقونى قلبى
(يقع على الارض)
مينا :انا كنت عارف ان النهاردة مش هيعدى على خير
مريم : انا انا قربت اامن
مايكل : دة بينله مات
(ثم يجرو علية ويحملوه ويخرجو من المسرح )
فى حد كدة بالزمة فعلا ربنا يستر
اانتهى
اتمنى تعجبكم

اسكيتش مفيد جدا وجميل جدا ربنا يخليك

ميرسي على الاسكتش ده ربنا يعوضك