زرجونة واشكولة ودقرانة وحرامية ..ايه الحلاوة دى !!

اخوتى واحبائى الغاليين ف المنتدى كل سنة وانتوا كلكم بألف بركة وخير ..

ف مقالة النهاردة مش ها اتكلم كتير لكن اقول حاجة
صغيورة قوى ..عن اية قرأتها فى سفر العدد اصحاح 13 اية 23 ..نقراها مع بعض
كده " و اتوا الى وادي اشكول و قطعوا من هناك زرجونة بعنقود واحد من العنب و حملوه بالدقرانة بين اثنين مع شيء من الرمان و التين."..ف الاول نقول معانى الكلمات 1- اشكول دا اسم مكان ومعناه عنب 2- زرجونة : غصن 3- دقرانة : فرع كبير (حامل للاغصان / كربال عنب)..

الحكاية ايه؟ زمان موسى ارسل 12 جاسوس ليتجسسوا ارض
كنعان وطبعا 12 على عدد الاسباط ..وبعدين يقول الكتاب انهم جاءوا الى وادى
اشكول ( العنب) ووجوا عنقود عنب ..فحملوه بالفرع بتاعه بواسطة اثنين من
الرجال ..يعنى واحد ف المقدمة وواحد ف المؤخرة ..وكان معاه الرمان والتين
..الكلام ده كلام الكتاب وف منتهى الروعة ..اولا الرجل اللى ف المقدمة شىء
طبيعى انه يحمل الفرع ولا يستطيع ان ياكل من العنقود ..فهذا يشير الى اناس
العهد القديم اللى رب المجد قال عنهم " كثيرون تعبوا وانتم دخلتم على
تعبهم" يو4 ، طب والتانى اللى ف المؤخرة ؟ ده شايل ويقدر ياكل و ده احبائى
يشير الينا نحن اهل العهد الجديد .. اللى ذقنا المواعيد واخذنا كل مفاعيل
ومقومات الحياة الابدية والخلاص اللى الكتاب كله كتب عنه ..وعنقود العنب
ده ..ده هو الهدف ..ده هو محور العهدين ..هو اللى قال عن نفسه "انا هو
الكرمة الحقيقية ".. ذاك العنقود الذى أعتصر بالالم لنشربه كل يوم على
المذبح دم عمانوئيل الهنا الحى ..كما قال ابو الاباء يعقوب عنه ف التكوين
" رابطا بالكرمة جحشه و بالجفنة ابن اتانه غسل بالخمر لباسه و بدم العنب ثوبه." ( تك 49 : 11)

طب والتين والرمان .. التين يشير للامة اليهودية
...معروف كده ف الشروحات ..وتشير للمحبة ..بذور صغيرة مجتمعة فى ثمرة
واحدة ..وكان يجب ان تكون الامة اليهودية هكذا ..مليئة بالمحبة ..تحت
رعاية ربنا ولكن ..الحاصل هو العكس...اما الرمان ...فهو يشير الى الامم
المخلصين بالدم دم المخلص ..الذين سبقوا اليهود فى نيل بركات الخلاص
..علشان كده تلاقى هنا ف النص قدم ذكر الرمان قبل التين فهو رمز لاسبقية
الامم فى قبول المخلص.

حاجة اخيرة ..الرجلين ..اللذان كان العنقود فى وسطهم هم صورة رمزية للصين اللذان صلبا مع المخلص.. صلواتكم عنى المحب اخيكم نادى

منقووووول