أنت فرحااااان بالذمّة .......

عايش فى وهمك بوهنك غريق
عايش أعمى وضال فى الطريق
عندك ميت صديقة وألف صديق

عامل قدام الناس بطل من الشطار
عامل نفسك ذكى وشجاع مغوار
مره تظهر قوتك فى شتايم ومره فى شجار
قدام الناس بطل وجواكحصون مرار

بتضحك مش مرة واحدة بل ملايين
بتظهر نفسك حر وانت عبد سجين
وفى كل يوم إبليس يرميك فى كمين
ليه شفايفك بتضحك وقلبك حزين؟

بتفرح وسط صحابك وانت جواك جحيم
ولما بتروح تقول دا انا كنت فى نعيم
عامل فيها عندك وانت محتكش مليم
مش لاقى راحة لا فى قلب قاسى ولا رحيم

بتشغل نفسك بخطية وسط لّمة
يتوهك الكلام وتبقى رمة
وترح للناس وكتير الناس تهينك
هو حقيقى أنت فرحان بالذمّة!!؟؟؟

الفرحة الحقيقية مش نكتة وإبتسامة
مش ضحكة تصبح على وشك علامة
ولا رقص فى أغنية هايصة والسلامة
الفرح الحقيقى فرح مافيش بعده ندامة.

عمرك فرحت وفشلت على طول فرحان؟
عمرك حسيت على طول بسلام وأمان؟
جربت تاخذ حنان من واحد غير الأنسان؟
جربت تشبع عواطفك بواحد مش حبيب ولهان؟

يسوع لو قابلته هاتشعر بطعم الحياة.
سمعت عنه كتير وعمرك ما إتقابلت معاه.

حدّد ميعاد معاه وأطلب تتقابل وياه.
هتلاقى لذّه فى وجوده هتلاقى فى حضنه نجاة

مش هتلاقيه جوه الكنيسة جوه الحيطان!!
مش هتلاقيه فى ورق كتلب كبير مليان
مش هتلاقيه جوه قلب لحمى حنّان!!
هتلاقيه فى أى حته وفى كل مكان

مش محتاج تروح فى مكان عشان تلقاه.
كل اللى محتاجه ترفع من قلبك صلاة.
أطلب تقابله ...واكيد بجد هاتلقاه.
أطلب بصدق من كل قلبك هاتلقاه.

إلهنا إله رحيم وجميل وكمان غفور .
لما تعيش فى الخطية بيحزن ويشعر بنفور.
لما تسبع من غيره بتطعنه وتجعل قلبه مكسور
حب يسوع ..صدقنى بيحبك...عارف ليه مش قارد تحبه؟
عشان انت ماتعرفوش بجد..ماتستناش تعرفه من حد
أفتح كتابك المقدس وإقرأ كلامه هاتلقى فيه النور

ده ساكن فى قلبك ...واقف فى دربك.
كل يوم بيخبط عليك ...ياللامد إيدك.
هو الطريق والحق والحياة...صدقنى هاتلقى فيه النجاة.
أن كنت عبد تصير طليق ..أن كنت تايه هاتشوف طريق
إن كنت وحيد هايصير صديق
لو انت عليل وخايف ...واعمى وضال ومش شايف
هايكون سندك وهايعطيك حنان..مش هاتحتاج تانى لإنسان؟
مش هتحتاج لكائن آيا كان
مش هاتحتاج لإنسان ...هتلاقى يسوع معاك فى كل مكان
هايكون معاك من الآن لاآخر الزمان